ગુજરાતપાટણ
શ્રી કેપી અને એચ એન એસ હાઇસ્કુલ હારીજ ખાતે ભવ્ય શાળા પ્રવેશોત્સવ યોજાયો દાતાઓ તરફથી રૂપિયા ચાર લાખથી વધુનું માતબાર દાન આપવામાં આવ્યું
હારીજ, તારીખ: ૨૩-૦૬-૨૦૨૬, મંગળવાર આજરોજ હારીજ મુકામે આવેલી શ્રી કે.પી. અને એચ.એન.એસ. હાઈસ્કૂલ તથા શ્રી એચ.એન.એસ. અને આર.કે.પી. તન્ના ગર્લ્સ હાઈસ્કૂલના સંયુક્ત ઉપક્રમે શાળા પ્રવેશોત્સવનો ભવ્ય કાર્યક્રમ ઉત્સાહભેર યોજાયો હતો. આ પ્રસંગે શાળામાં નવપ્રવેશ મેળવતા વિદ્યાર્થીઓને આવકારી તેમનો ઉત્સાહ વધારવામાં આવ્યો હતો. મહાનુભાવોની ગરિમામય ઉપસ્થિતિ કાર્યક્રમમાં મુખ્ય મહેમાન તરીકે તાલુકા વિકાસ અધિકારી (TDO) શ્રી મિલનભાઈ સાહેબ ખાસ ઉપસ્થિત રહ્યા હતા. આ ઉપરાંત બોટાદ જિલ્લા પ્રભારી અને પૂર્વ પાટણ જિલ્લા પ્રમુખ ડો. ડી.વી. ઠાકોર, સી.આર.સી. રોડા શ્રી મિતુલભાઈ પટેલ, તેમજ વિસ્તારના અગ્રણીઓ સર્વે શ્રી શનિભાઈ પી. ઠક્કર, ધર્મેશભાઈ ઠક્કર, ભાવેશભાઈ તન્ના, જયંતીભાઈ ઠક્કર, સંદીપભાઈ પટેલ અને પી.આર. ઠક્કર,અશોકજી ઠાકોર શ્રી કે.પી.હાઈસ્કૂલ ના આચાર્યશ્રી, પ્રજ્ઞાબેન ઠક્કર ગર્લ્સ ના આચાર્યાશ્રી વગેરે મહાનુભાવોએ હાજરી આપી કાર્યક્રમની શોભા વધારી હતી.આ પ્રવેશોત્સવ પ્રસંગે વિદ્યાર્થીઓના ઉજ્જવળ ભવિષ્ય અને સુવિધા માટે દાતા પરિવારો તરફથી અંદાજે રૂપિયા ૪,૦૦,૦૦૦ (ચાર લાખ) થી વધુનું માતબર દાન અર્પણ કરવામાં આવ્યું હતું: શ્રી શનિભાઈ પી. ઠક્કર પરિવાર: વિદ્યાર્થીઓના શિક્ષણ કાર્યમાં સહયોગરૂપ થવા માટે શનિભાઈના પરિવાર તરફથી અંદાજે રૂ. ૨,૦૦,૦૦૦ (બે લાખ) ની કિંમતના ચોપડા (નોટબુક) નું વિદ્યાર્થીઓને નિઃશુલ્ક વિતરણ કરવામાં આવ્યું હતું. શ્રી ભાવેશભાઈ ધીરજલાલ તન્ના ( ઉપ પ્રમુખ હારીજ કેળવણી મંડળ )પરિવાર: શાળાના બાળકોને શુદ્ધ અને સ્વાસ્થ્યપ્રદ પીવાનું પાણી મળી રહે તે હેતુથી ભાવેશભાઈ તન્ના પરિવાર તરફથી અંદાજે રૂ. ૨,૦૦,૦૦૦ (બે લાખ) થી વધુના ખર્ચે ભવ્ય મિનરલ વોટર પ્લાન્ટ ભેટ આપવામાં આવ્યો હતો. "શિક્ષણ એ સમાજની કરોડરજ્જુ છે અને જ્યારે આવા ઉદાર દિલના દાતાઓ શાળાની પડખે ઊભા રહે છે, ત્યારે વિદ્યાર્થીઓનો વિકાસ બમણો થઈ જાય છે." કાર્યક્રમના અંતે શાળા પરિવાર અને ઉપસ્થિત મહેમાનો દ્વારા બંને દાતા પરિવારોની આ પ્રશંસનીય ઉદારતા અને રાષ્ટ્રભાવનાને બિરદાવી, તેમનો હૃદયપૂર્વક આભાર વ્યક્ત કરવામાં આવ્યો હતો. સમગ્ર કાર્યક્રમ ખૂબ જ ઉત્સાહપૂર્ણ અને પ્રેરણાદાયી માહોલમાં સંપન્ન થયો હતો.
